قصيده عن الوطن

علمونـــه أمنه وابونه من إحنه صغار
حب الوطن لأن الوطن هو الدار
شكد نكبر ونصير رجال
نبقى يم الوطن كلش صغار
الوطن ناس وحب وتعاون
مو ارض ومي وحجار
ليعوف الوطن مثل الغريب يصير
بصحراء لابيها زاد ولا أشجار
ويتحسر على لمة الاهل بيه
حتى لو راح ببلد يم الوطن جار
صحيح وطنه بيه قتل وأنفجارات
بس كعدته تسوى مليون دولار
عراقنه احنه انحبه ونضل نحمية
مثل ما يحمي السعف الجمار